Koha.net: Subjektet politike miratuan Deklaratën për kodin e mirësjelljes

Përfaqësuesit e subjekteve politike konfirmuan angazhimin e tyre për mbajtjen e suksesshme të zgjedhjeve më 11 qershor 2017, avansimin demokratik dhe konsolidimin e insitucioneve të Kosovës. Deklarata u miratua në takimin e mbajtur sot me datën 1 qershor. 2017, njofton kumtesa, transmeton Koha.net.

Me miratimin e Deklaratës në lidhje me kodin e mirësjelljes për mbarëvajten e procesit zgjedhor, subjektet angazhohen për një fushatë fer, dinjitoze, në kuadër të normave demokratike pa përdorim të gjuhës së urrejtjes dhe duke respektuar njëri tjetrin.

Subjektet shprehin besimin e plotë se procesi zgjedhor do të jetë i ndershëm dhe demokratik.

Subjektet ftojnë të gjithë anëtarët, kandidatët e tyre, partnerët e koalicionet që t’ju përmbahen këtyre parimeve.

Po ashtu, ftohen të gjitha organizatat jo qeveritare, qeveritare dhe ato ndërkombëtare të bëjnë monitorimin e procesit zgjedhor dhe zbatimin e këtyre parimeve.

Subjeket bëjnë thirrje për adresimin e çdo pengese eventuale për pjesëmarrje të gjerë në zgjedhje dhe zotohen për pranimin e rezultateve. Kryetarja e KQZ-së, Valdete Daka siguroi subjektet se çdo ankesë apo parregullësi e mundshme do të adresohet para certifikimit të zgjedhjeve.

Miratimi i deklaratës u bë në prani të kryetares së Komisionit Qendror Zgjedhor, përfaqësuesve të misionit të BE-së, të ambasadës së Zvicrës, Norvegjisë, SHBA-ve dhe Gjermanisë.

Ky takim u lehtësua nga Grupi për Ballkan, në kuadër të dialogut politik mes subjekteve parlamentare. Dialogu politik mbështetet financiarisht nga Qeveria e Zvicrës dhe e Norvegjisë.

Image

Burimi: https://www.koha.net/zgjedhjet-lajme/22513/subjektet-politike-miratuan-deklaraten-per-kodin-e-miresjelljes/



Qamil Hoxha street ob. no. 29
appartment no. 7,
Prishtina
10000, Kosovo


Opening Hours:

Mon – Fri: 09:00  – 17:00

 

Connect with us:

🇽🇰 #Kosovo made a significant step toward joining the Council of Europe (CoE). It is now up to the CoE to acknowledge Kosovo's readiness for membership.
For more insight on Kosovo's CoE accession process, see Balkans Group policy report. ⤵️

Load More