27 gusht 2021
Programi ekzekutiv “Të rinjtë në politikë: Qeverisja dhe Sistemet Politike” synon të trajnojë dhe ngrisë kapacitetet e të rinjëve aktiv në parti politike në Kosovë në fushat sikurse sundimi i ligjit, politikat publike, qeverisja e mirë, zhvillimi ekonomik dhe politikat shoqërore, politikat e edukimit, bashkëpunimi rajonal, etj. Duke mbledhur rininë e të gjitha subjekteve politike, ky program do të shërbejë si platformë për pajisjen e këtij grupi me njohuri në fushat specifike. Pjesëmarrësit e përzgjedhur të cilët do të vijojnë trajnimin me rregull do të pajisen me çertifikatë të programit.
Gjuha e cila do të përdoret përgjatë trajnimit është gjuha shqipe. Në rastet kur njëri nga ligjëruesit apo folësit e ftuar nuk është shqip folës, atëherë Grupi për Ballkan do të ofroj përkthim simultan.
Pse ky trajnim?
- Do të ngrisë kapacitetin e të rinjve nga partitë politike në tema si politikat publike në Kosovë, qeverisje e mirë, bashkëpunim rajonal etj;
- Plan programi është përpiluar nga kërkesat e shfaqura nga të rinjtë e partive politike në gjashtë (6) fokus grupe të organizuara nga Grupi për Ballkan;
- Temat kryesore do të ligjërohen nga profesorë të nivelit të lartë .
- Do të ofrojë një platformë bashkëpunimi dhe komunikimi midis të rinjve nga partitë e ndryshme politike;
- Pjesëmarrësit do të pajisen me certifikata të cilat do të prezantohen në fund të programit.
Kriteret e pranueshmërisë:
- Të jeni anëtar aktiv i njërit nga forumet rinore politike në Kosovë;
- Mosha 20-30 vjeçare;
- Të jeni të paktën në vitin e dytë të studimeve në nivelin universitarë;
- Të keni interes për tema lidhur me politikë;
- Të jenë në gjendje të marrin pjesë katër ditë gjatë trajnimit i cili do të mbahet në Tetor;
- Të jeni bashkëpunues dhe të hapur të punoni me të rinjtë nga partitë e tjera politike;
- Të jeni të përkushtuar të merrni pjesë në një vizitë vendore njëditore në njërin nga institucionet;
VETËM 30 PJESËMARRËS DO TË PËRZGJEDHEN
Shpenzimet e pjesëmarrjes:
Të gjitha shpenzimet e pjesëmarrjes do të mbulohen nga Grupi për Ballkan, duke përfshirë:
- Shpenzimet e transportit nga vendi juaj i origjinës deri në sallën e trajnimit;
- Ushqimi dhe pijet gjatë trajnimit;
- Për pjesëmarrësit jashtë Prishtinës, ne do mbulojmë shpenzimet e akomodimit;
- Materialet për trajnim;
- Transport, ushqim dhe pije për vizitë lokale.
COVID-19
Për shkak te situatës se krijuar nga pandemia, Grupi për Ballkan do ndërmarr të gjitha masat e nevojshme për të krijuar një hapësirë të sigurt për shëndetin e pjesëmarrësve dhe ekspertëve. Kjo do mundësohet përmes krijimit të distancës gjatë trajnimeve, mbajtjes së trajnimeve në salla të mëdha, obligimin për mbajtjen e maskave, sigurimi i dezinfektuesve të duarve për çdo pjesëmarrës, dezinfektimi i dhomës së konferencave, si dhe materialeve të trajnimit. Nëse përhapja e virusit arrin nivele të tilla që qeveria rikthen masat për karantinë, atëherë i gjithë trajnimi do të zhvillohet përmes Zoom.
Për pyetje shtesë, na kontaktoni në: [email protected].org
Për të aplikuar, klikoni këtu. Afati i fundit për aplikim është 19 shtator 2021.
