Konferencë ndërkombëtare “Njëzet vite pas: Perspektivat dhe sfidat për Ballkanin Perëndimor” Qendra Kosovare për Studime të Sigurisë (QKSS) dhe Grupi Ballkanik për Hulumtime të Politikave (BPRG), sot nga ora 09:30 në Prishtinë mbajnë konferencën ndërkombëtare “Njëzet vite pas: Perspektivat dhe sfidat për Ballkanin Perëndimor”. Në mesin e një numri të gjerë të ekspertëve vendas dhe zyrtarëve qeveritarë, do marrin pjesë edhe një numër i madh panelistësh të shquar ndërkombëtarë, nga SHBA, BE, Gjermania, Norvegjia, Hungaria, Slovenia, Rusia, Maqedonia, Shqipëria dhe përfaqësuesit e institucioneve vendore. Ndër temat mbi të cilat do të diskutohet janë përgjegjësia për të mbrojtur – mësimet e marra dhe rruga përpara, pastaj bashkëpunimi ndërmjet NATO-s dhe shteteve të Ballkanit Perëndimor dhe Kosova dhe Serbia në kërkim të një marrëveshjeje finale të paqes.
Lexo me shume: http://rtv21.tv/perspektivat-dhe-sfidat-e-ballkanit-perendimor/
© RTV21.tv
