Infografikat
Gratë në Politikë: (Pa)Barazia Gjinore në Politikë dhe Vendimmarrje
Trendi i mospërfshirjes së grave në pozita drejtuese, ose i përfshirjes së pamjaftueshme në pozita përfaqësuese ka shënuar rritje, në ndërkohë që angazhimi për rritjen e barazisë gjinore në sferat politike dhe publike është sipërfaqësor dhe minimal. Më poshtë mund të gjeni të dhënat që ilustrojnë pabarazinë e burrave dhe grave në pozitat pushtetmbajtëse.
Kosova dhe zgjedhjet: Çfarë mund të Përmirësohet?
Reforma zgjedhore në Kosovë është vonuar së tepërmi. Zgjedhjet e përgjithshme dhe ato lokale të vitit 2017 u vlerësuan si përgjithësisht të mira, megjithëse u regjistruan disa mangësi në administrimin/menaxhimin e tyre, gjë që uli suksesin e përgjithshëm të tyre; mes tjerash, vlen të përmenden numri i madh i votave të pavlefshme, rinumërimi i pjesëshëm i kutive të votimit që ndikoi në ndryshimin e rezultateve, dhe certifikimi i vonuar i rezultateve finale.
Grafikonët e mëposhtëm paraqesin mangësitë e zgjedhjeve të përgjithshme dhe lokale të vitit 2017.
Asociacioni i Komunave Serbe: Kuptimi i Pikëpamjeve Kundërthënëse të Shqiptarëve dhe Serbëve
Marrëveshja për Asociacionin/Bashkësinë e Komunave me Shumicë Serbe shënon gurthemelin e mosmarrëveshjes në dialogun mes Kosovës e Serbisë, të ndërmjetësuar nga BE-ja. Serbët e Kosovës janë komuniteti më i prekur nga krijimi i Asociacionit të Komunave Serbe, megjithëse ata po ashtu janë edhe grupi më i margjinalizuar në procesin e Brukselit. Hulumtimi i motiveve, shqetësimeve dhe i dëshirave të serbëve për sa i përket Asociacionit ka kohë që është lënë pas dore, duke prodhuar kështu një humnerë të madhe informative. Përgjigjet e mëposhtme paraqesin pasqyrën e asaj se çfarë mendojnë serbët e katër komunave serbe të veriut për Asociacionin.
Qamil Hoxha street ob. no. 29
appartment no. 7, Prishtina
10000, Kosovo
Opening Hours:
Mon – Fri: 08:30 – 16:30
