Grupi për Ballkan, në bashkëpunim me Shoqatën e Europës Juglindore dhe Institutin Aspen të Gjermanisë, organizoi një takim avokues me përfaqësues të SHERPA-s, përfaqësues të shteteve të Ballkanit Perëndimor (BP) dhe organizata të shoqërisë civile.
Pas Forumit përgatitor të Shoqërisë Civile FSC Grupi i Ballkanit mblodhi zyrtarë të qeverisë dhe organizata të shoqërisë civile për të diskutuar dhe debatuar mbi gjetjet dhe rekomandimet që dolën nga Forumi përgatitor i mbajtur në korrik të këtij viti.
Përfaqësuesit e grupeve punuese të FSC prezantuan rekomandimet e tyre dhe u angazhuan në diskutime me përfaqësues të qeverive të BP. Manuel Sarrazin, i Derguari i Posaçëm i Gjermanisë për Ballkanin Perëndimor, dhe Eirik Nestås Mathisen, i Dërguari i Posaçëm i Norvegjisë për Ballkanin Perëndimor, morën pjesë dhe kontribuan në diskutime.
Diskutimet u fokusuan në:
- Integrimin në BE dhe Procesin e Berlinit
- Trajtimi i të kaluarës dhe pajtimi
- Gjinia dhe Diversiteti
- Tregu i Përbashkët Rajonal dhe Lëvizshmëria
- Energjia, Ndryshimet Klimatike dhe Dekarbonizimi
- Mbrojtja e Mjedisit dhe Zhvillimi Ekonomik i Qëndrueshëm
- Dezinformimi dhe Kërcënimet Kibernetike
Pjesëmarrësit theksuan rekomandimet kyçe për qeveritë e BP6 dhe agjendat e Procesit të Berlinit, nevojën për të zbatuar marrëveshjet e mëparshme të Procesit të Berlinit, përfshirë lirinë e lëvizjes, dhe zhvillimin e një mekanizmi për monitorimin e zbatimit të marrëveshjeve të mëparshme dhe atyre që do të dalin nga Procesi i Berlinit.
Ky takim avokues i paraprinë samitit të ardhshëm të Procesit të Berlinit, i cili është planifikuar të mbahet më 14 tetor 2024, në Berlin.
Ky aktivitet u mbështet nga qeveritë e Gjermanisë dhe Norvegjisë.
