Sundimi i Ligjit

Sundimi i ligjit është një nga kriteret kyçe për përafrim dhe anëtarësim në BE dhe një nga parimet kryesore të qeverisjes në nivel global. Është një parakusht për mbrojtjen e të gjitha vlerave të tjera, përfshirë të drejtat themelore dhe demokracinë. Sundimi i ligjit është gjithashtu vendimtar për vetë funksionimin e BE-së si, zbatimin efektiv të ligjeve të BE-së, funksionimin e duhur të tregut të brendshëm, ruajtjen e një mjedisi miqësor ndaj investimeve dhe besimin reciprok tek palët. Për të vlerësuar progresin në këtë dimension, janë përdorur tre indikatorë:

• Gjyqësori;
• – Lufta kundër korrupsionit; dhe
• – Lufta kundër krimit të organizuar.

Duke përdorur këta indikatorë, synohet të matet progresi në punën e institucioneve të së drejtës penale, si policia, gjykatat dhe prokuroria si dhe shkalla në të cilën legjislacioni kryesor që ka të bëjë me Sundimin e Ligjit është miratuar, ndryshuar dhe zbatuar.

Të gjeturat tregojnë se Kosova nuk ka bërë progres të mjaftueshëm në fushën e sundimin e ligjit në vitin 2021.