Grupi për Ballkan organizoi trajnimin e parë të këtij viti të Programit Ekzekutiv “Të rinjtë në Politikë: Qeverisja dhe Sistemet Politike”

14 – 17 mars 2023

Grupi për Ballkan organizoi trajnimin e parë të këtij viti të Programit Ekzekutiv “Të rinjtë në Politikë: Qeverisja dhe Sistemet Politike”. Tridhjetë e tetë pjesëmarrës nga profile dhe parti të ndryshme politike ndoqën ligjerata dhe u përfshihnë në diskutime në çështje të ndryshme si Sundim i Ligjit, Qeverisja e Mirë, Zhvillimi Ekonomik dhe Politikat Shoqërore, Politikat Arsimore dhe Bashkëpunimi Rajonal. Të rinjtë poashtu do të kenë mundësi të jenë pjesë e vizitave studimore në institucione të rëndësishme publike.

Ishim të nderuar të kemi të pranishëm për një fjalë hyrëse Ambasadorin e Mbretërisë së Norvegjisë në Prishtinë. Sh.T. Jens Erik Grøndahl theksoi rëndësinë e këtij trajnimi të organizuar nga Grupi për Ballkan dhe u shpreh krenar me ndikimin e programit në forcimin e gjeneratave të ardhshme të politikbërësve në Kosovë.

Në kuadër të këtij programi, Grupi për Ballkan organizoi edhe dy vizita studimore në institucionet e Republikës së Kosovës.

Pjesëmarrësit patën mundësinë të vizitojnë Ministrinë e Arsimit, Shkencës, Teknologjisë dhe Inovacionit, ku u takuan me ministren Arbërie Nagavci dhe shefen e kabinetit të ministres, Bora Shpuza. Ministrja bëri një prezantim mbi zhvillimet më të fundit në arsimin parashkollor, arsimin profesional dhe arsimin e lartë.

Vizita e dytë u realizua në Këshillin Gjyqësor të Kosovës. Pjesëmarrësit u takuan me kryesuesin, z. Albert Zogaj, i cili u prezantoi misionin, vizionin dhe organogramin e KGJK-së, si dhe diskutoi për sfidat e sistemit gjyqësor në Kosovë. Kjo vizitë ofroi një mundësi të shkëlqyer për pjesëmarrësit që të kuptojnë më thellë funksionimin e sistemit gjyqësor në Kosovë.

Këto vizita studimore u dhanë pjesëmarrësve njohuri të vlefshme që do t’i ndihmojnë ata në të ardhmen.

Ky aktivitetet mbështetet nga Ambasada e Mbretërisë së Norvegjisë në Kosovë.



Qamil Hoxha street ob. no. 29
appartment no. 7,
Prishtina
10000, Kosovo


Opening Hours:

Mon – Fri: 09:00  – 17:00

 

Connect with us:

Kosovo deserves to join the @coe.
PACE committee recommends 🇽🇰for membership, highlighting its commitment to strengthening human rights standards and addressing challenges like protecting non-majority communities' rights.
For more, read the BPRG's report:https://shorturl.at/lFNO4

Load More