Konferenca e lansimit të raportit të politikave “Integrimi i serbëve në Kosovë pas Marrëveshjes së Brukselit”

19 mars 2015 – Grupi për Ballkan prezantoi raportin e politikave “Integrimi i serbëve në Kosovë pas Marrëveshjes së Brukselit”. Prezantimi i raportit u parapri nga një diskutim në tryezë të rrumbullakët në praninë e aktorëve kryesorë politikë dhe ndërkombëtarë, politikëbërësve dhe gazetarëve në Prishtinë. Raporti shqyrton gjendjen aktuale të zbatimit të Marrëveshjes së Parë për Normalizimin e Marrëdhënieve. Ai diskuton sfidat e integrimit të serbëve dhe si t’i kapërcehen ato më mirë në një mënyrë që i forcon institucionet e Kosovës dhe respektin e komunitetit të saj serb. Raporti analizon institucionet ekzistuese ilegale serbe në gjithë vendin. Asociacioni/bashkësia është një pjesë shumë e rëndësishme e Marrëveshjes dhe një fokus i këtij raporti; hulumtimet dhe rekomandimet e detajuara përshkruajnë se si ajo duhet të çojë në integrimin e plotë të komunitetit serb në Kosovë, të largohen institucionet e Beogradit dhe të avancohet normalizimi i marrëdhënieve mes Kosovës e Serbisë. Përveç fjalimeve të tyre, ambasadorja e Zvicrës, Sh.S. Krystyna Marty Lang dhe ambasadori i Mbretërisë së Norvegjisë, Sh.T. Jan Braathu, iu bashkuan panelit tonë si folës. Marko Prelec, Drejtori Ekzekutiv i BPRG-së, paraqiti gjetjet e raportit. Diskutimi përfshiu anëtarë dhe zyrtarë të dalluar të shoqërisë civile në një debat të gjallë rreth dialogut Kosovë-Serbi dhe integrimin e komunitetit serb. Raporti u prezantua gjithashtu në Mitrovicën veriore, Beograd dhe Bruksel.



Qamil Hoxha street ob. no. 29
appartment no. 7,
Prishtina
10000, Kosovo


Opening Hours:

Mon – Fri: 09:00  – 17:00

 

Connect with us:

🇽🇰 #Kosovo made a significant step toward joining the Council of Europe (CoE). It is now up to the CoE to acknowledge Kosovo's readiness for membership.
For more insight on Kosovo's CoE accession process, see Balkans Group policy report. ⤵️

Load More