30 mars 2021
Grupi për Ballkan publikoi raportin “Bashkëpunimi Rajonal në Ballkanin Perëndimor”. Ky raport paraqet një analizë të agjendave më të debatuara mbi bashkëpunimin rajonal: Zona Ekonomike Rajonale, e ashtuquajtura “mini-Shengen” dhe Tregu i Përbashkët Rajonal.
Vendet e Ballkanit Perëndimor ndajnë ambicien e anëtarësimit në Bashkimin Evropian dhe kanë shprehur gatishmëri dhe dëshirë për bashkëpunim rajonal. Sidoqoftë, konfliktet e pazgjidhura dhe mosmarrëveshjet dypalëshe kanë çuar në mosbesim të konsiderueshëm në rajon, i cili herë pas here është një burim i paqëndrueshmërisë, duke minuar bashkëpunimin dhe iniciativat rajonale. Nëse ekziston ky mosbesim i thellë midis shteteve të Ballkanit Perëndimor, arritja e integrimit të duhur ekonomik rajonal dhe integrimi në BE do të jetë sfiduese.
Vendet e Ballkanit Perëndimor do të duhet të punojë në shumë fronte, përfshirë zgjidhjen e çështjeve bilaterale dhe përmirësimin e marrëdhënieve me njëri-tjetrin, si parakushti kryesor për përparimin e bashkëpunimin rajonal. Për më tepër, kapacitetet zbatuese do të duhet të përmirësohen dhe bashkëpunimi rajonal do të duhet të jetë më i lartë në agjendën e politikave për qeveritë e vendeve të Ballkanit Perëndimor.
Ky raport është mbështetur nga Ambasada e Mbretërisë së Norvegjisë. Pikëpamjet dhe analizat në këtë raport janë vetëm të Grupit për Ballkan dhe nuk reflektojnë qëndrimet e donatorit.
Raportin e plotë e gjeni këtu.
