Programi Ekzekutiv Të rinjtë në politikë: Qeverisja dhe Sistemet Politike; Trajnim për Politika Publike dhe Shkathtësi, synon të trajnojë dhe ngritë kapacitetet e të rinjëve aktiv në parti politike në Kosovë në fushat sikurse sundimi i ligjit, politikat publike, qeverisja e mirë, zhvillimi ekonomik dhe politikat shoqërore, politikat e edukimit, bashkëpunimi rajonal, etj. Duke mbledhur të rinj nga të gjitha subjektet politike, ky program do të shërbejë si platformë për pajisjen e këtij grupi me njohuri në fushat specifike. Pjesëmarrësit e përzgjedhur të cilët do të vijojnë trajnimin me rregull do të pajisen me certifikatë të programit.

Gjuha e cila do të përdoret përgjatë trajnimit është gjuha shqipe. Në rastet kur njëri nga ligjëruesit apo folësit e ftuar nuk është shqip-folës, atëherë Grupi për Ballkan do të ofroj përkthim simultan.

Pse ky trajnim?

• Do të ngritë kapacitetin e të rinjëve nga partitë politike në tema si politikat publike në Kosovë, qeverisje e mirë, bashkëpunim rajonal etj;
• Plan programi është përpiluar nga kërkesat e shfaqura nga të rinjtë e partive politike në gjashtë (6) fokus grupe të organizuara nga Grupi për Ballkan;
• Temat kryesore do të ligjërohen nga profesorë të nivelit të lartë;
• Do të ofrojë një platformë bashkëpunimi dhe komunikimi midis të rinjve nga partitë e ndryshme politike;
• Pjesëmarrësit do të pajisen me certifikata të cilat do të prezantohen në fund të programit;
• Ngritjen e aftësive komunikuese dhe bashkëpunuese;
• Zhvillimin e mendimit kritik;
• Zhvillimin e aftësive negociuese;
• Pas përfundimit me sukses të trajnimit, ju do të bëheni pjesë e Rrjetit Alumni “Të rinjtë në Politikë” brenda së cilit do të ketë aktivitete të shumta;

VËMENDJE: Në kuadër të Rrjetit Alumni, pjesëmarrësve të trajnimit do t’u ofrohet mundësia për të aplikuar për punë praktike me pagesë, pranë Grupeve Parlamentare të Kuvendit të Republikës së Kosovës.

Kriteret e pranueshmërisë:

• Të jeni anëtar aktiv i njërit nga forumet rinore politike në Kosovë;
• Mosha 20-30 vjeçare;
• Të jeni të paktën në vitin e dytë të studimeve në nivelin universitar;
• Të keni interes për tema lidhur me politikë;
• Të jeni në gjendje të merrni pjesë katër ditë gjatë trajnimit, sipas datave më poshtë;
• Të jeni bashkëpunues dhe të hapur të punoni me të rinjtë nga partitë e tjera politike;
• Të jeni të përkushtuar të merrni pjesë në një vizitë vendore njëditore në njërin nga institucionet;

NUMRI I PJESËMARRËSVE TË PËRZGJEDHUR DO TË ËSHTË I KUFIZUAR

Trajnimi do të mbahet në dy grupe të ndara. Grupi i parë do të mbahet me datë 17-20 Maj, ndërsa grupi i dytë me datë 24-27 Maj, në objektin e RIT Kosova (ish Universiteti Amerikan). Ju lutem gjatë aplikimit specifikoni se ne cilin grup do të merrni pjesë.

Grupi për Ballkan do të mbulojë të gjitha shpenzimet e trajnimit, duke përfshirë:

• Kostot e transportit lokal;
• Ushqimi dhe pije freskuese gjatë gjithë trajnimit;
• Për pjesëmarrësit nga jashtë Prishtinës, ne do t’i mbulojmë shpenzimet e akomodimit;
• Materiale studimore;
• Transport, ushqim dhe pije për vizitën studimore lokale

COVID-19

Grupi për Ballkan do ndërmarr të gjitha masat e nevojshme për të krijuar një hapësirë të sigurt për shëndetin e pjesëmarrësve dhe ekspertëve. Kjo do mundësohet përmes krijimit të distancës gjatë trajnimeve, mbajtjes së trajnimeve në salla të mëdha, obligimin për mbajtjen e maskave, sigurimi i dezinfektuesve të duarve për çdo pjesëmarrës, dezinfektimi i dhomës së konferencave, si dhe materialeve të trajnimit.

Për pyetje shtesë, na kontaktoni në: [email protected]

Për të aplikuar, klikoni këtu. Afati i fundit për aplikim është 29 prill 2022.